my diary love story

vo chhotee - see peelee thailee , jisame na jaane vo  kitane keematee abeer chhupa kar rakhee thee . shaayad ! pooja ke baad sabhee ko tilak lagaane ke lie khareed kar laayee hogee .

🙂main peetal kee thaalee mein mote -mote gaajar ko kaat kar prasaad bana raha tha . ham sabhee vidyaarthiyon ne chanda ekatrit kar sarasvatee pooja ka aayojan  kiye the . kuchh bachche paise na dekar kuchh pooja ke samaan ya koee prasaad ke lie phal diya tha . ye vo hee gaajar thee  , jise vikram ne prasaad  ke lie apane kheton se ukhaad kar laaya tha.
gaajar motee rahane ke kaaran ham us gaajar  ke lie usaka majaak bana rahe the .  vo bechaara chup- chaap ek kone mein baith kar pataake kaat raha tha aur ham kuchh doston ke saath thitholee kar ke prasaad kaat rahe the.
in baaton mein sab khoya hua jarur  tha , lekin meri aankhen sirph use hee dhoodh  rahi thi

saanvalee chehara , kaali  aankhe aur lambee vaalo kee raanee thee pushpa.
pushpa mere klaas kee sabase nidar aur baatoonee ladakee thee , vo padhane mein bhee achchhee thee , yahee kaaran tha ki usake saamane ham ladako kee ijjat bas ek moorkh pandit jaisa rah gaya tha .

in kaaran se ham sabhee ladake usase chidhe rahate the , parantu mere  dil mein usake lie bahut ijjat tha

vo ham ladako se hamesha ladati  thi , gusse karati  thi  aur na padhane ki taana bhi deti  rahatee thee . lekin pata nahee kyon ! vah mujhe phir v  bahut achchhi lagati  thi .
vah pratyek din skool samay se aa jaatee thee . lekin aaj sarasvatee pooja hain phir vah skool subah ke 9 baje tak nahi aayi thi .
meri aankhen idhar - udhar use hee dhoodh rahee thee ,
" are vaah ! " pushpa ko dekh kar mere munh se yah shabd achaanak nikal pada .
aasamaanee rang kee top , neelee bindee , haathon mein pooja thaalee aur baalon kee do chotee banaee huee skool ke pratham daravaaze se pravesh kee .
use dekh meree khushee saataven aasamaan par thee , dil kah raha tha abhee usase kuchh baaten karoon . magar usakee ladaakoo svabhaav se dar raha tha , kahee prinsipal se bol kar thukaee na karava de .
mere skool mein ladakiyon se baatacheet karana sakht mana tha ,

" main prasaad kaatane mein help karoon ? " pushpa bolee .

mujhe aashchary hua , jo kabhee ladatee thee , bevakooph samajhatee thee aaj help karane kee baat kar rahee thee .
main to ise sarasvatee maan kee krpa maan liya tha . parantu dost hamesha kahate the , sarasvatee maan sirph gyaan dete hain na ki ladakiyaan

" haan …. haan...  jaroor " mainne ladakhadaatee jubaan se bola .
ab ham dosto ke alaave pushpa bhee prasaad kaatane lagee thee .
kabhee  -kabhee gaajar ko pakadane mein meree anguliyaan usakee ungaliyon se sparsh kar jaatee thee . vo aaj bahut khoobasoorat aur khush mijaaj lag rahee thee .
aadhe ghante baad pooja shuroo ho gayee thee , sabhee vidyaarthee maan kee pratima ke paas baitha tha .
main aur pushpa chhotee - chhotee samaan ko laakar pratima ke paas laakar rakh raha tha . usake ek haath me peelee thailee mein abeer kee pudiya thee .
sab cheeje vyavasthit kar main bhee  pratima ke paas baith gaya aur pushpa mere bagal mein hee khadee thee .
achaanak se ek ladakee ne pushpa ke haath se abeer kee pudiya khinchane kee koshish kiya , pudiya to chheen nahee paayee lekin vah do bhaag mein jaroor bat chuka tha . aur usakee pooree abeer mere sar par gir chuka tha .
abeer maathe se hokar chehare par phail gayee thee , poore chehare abeer se laal ho gayee thee aur usake chehare sharm se .
sabhee ladake ladakiyaan thahaake maar kar hans rahe the , aur main chup - chaap abeer ko hataane kee koshish kar raha tha .
pushpa agale din mujhase maaphee maangee thee aur phir us din ke baad  ham donon ek achchhe dost ban gae the . aur ye dostee kab pyaar mein badal gaya , kuchh pata hee nahee chala .
aaj bhee jab sarasvatee pooja samaaroh hotee hain to ye yaade taajee ho jaatee hain .